Pages

Thursday, May 5, 2016

Es schöns Daheim (Ueli Moor)

Dr schönschti Ort für üs uf Ärde,
isch hie vo mir daheime si.
Äs isch ä Fröid hie dörfe z'läbe,
dankbar wei mir dafür si.
Mir hei hie ds Paradies uf Ärde,
möchte niene angers si.

Jodel

Üs Hüsli steit da z'mitts im Grüene,
ä Brunne plätschret vore zue.
U ds Glöggele vo Nachbars Chüene,
strahlt für üs ä töifi Rueh.
U d'Lüt wo rings um üs tüe wohne,
winke üs geng fründlech zue.

Jodel

S'git öppis wo üs bsunders Fröid macht,
we öpper eifach zue üs chunnt.
Grad so für unbeschwärti Stunde, 
oder we eim öpper brucht.
Für über allergattig z'brichte, 
hei mir geng äs offes Huus.

Jodel

Thursday, October 15, 2015

Alti Fründe (Paul Müller-Egger)

Wenn i z'Nacht i mine Tröime,
dür die alti Heimat gah,
gsehni under Lindeböime
tröji Fründe zämecho.
De erklinge immer wieder
üsi liebe, alte Lieder
||: schlicht u warm u heimatfroh. :||

Stärne lüchte, d'Firne glüejie
u dr Mond ströit silber dri
u dr Tag mit all sim Müejie,
geit im Dämmerblau verbi.
Vor em Huus und uf de Strasse,
gsesch erstunti Mönsche lose,
||: alls isch Glück und Harmonie. :||

S'isch ä Troum us schöne Tage,
Chraft u Troscht für Harz ü Gmüet.
S'isch ä Troum mir wei nid chlage,
dass är vor äm Morge flieht.
Isch ou ds Jugendland verschlosse,
Fründe si mir, Wäggenosse,
||: gäng no jung im alte Lied. :||

Sunday, April 26, 2015

Lach d'Sorge Sorge sy (Ruedi Bieri)

Mir Jodlerlüt im Alpeland,
mir heis gärn gmüetlech mitenand.
Äs stellt üs uf wes lustig geit,
das Schönschte isch doch Zfrideheit.

||:Lach d'Sorge Sorge sy,
süsch gö si nie verbi.:||

Mir Jodlerlüt im Alpeland,
hei 's guldig Härzli i dr Hand (?)
Äs stellt üs uf wes lustig geit,
das Schönschte isch doch Zfrideheit.

||:Lach d'Sorge Sorge sy,
süsch gö si nie verbi.:||

Mir Jodlerlüt im Alpeland,
i Fründschaft stöh mir näbenand.
Äs stellt üs uf we's lustig geit,
das Schönschte isch doch Zfrideheit.

||:Lach d'Sorge Sorge sy,
süsch gö si nie verbi.:||

I ha dr Früehlig gseh, Ueli Zahnd



Dr Föhn geit über d'Matte us, 
verrumt dr letschti Schnee.
I gloube gwüss, äs isch so wiit, 
||:mi cha dr Früehlig gseh.:||


Wie schön ischs we dr Früehlig chunnt,
mit Farbe aller Art.
Schöni Zyt du bisch jetzt da,
mir chöi uf d'Alpe gah.

Ä jede Boum, ä jede Haag, 
erblüejt im nöie Glanz.
Dert ufem Boum äs Amslepaar, 
||:äs macht ä Fröidetanz.:||

Wie schön ischs we dr Früehlig chunnt,
mit Farbe aller Art.
Schöni Zyt du bisch jetzt da,
mir chöi uf d'Alpe gah.

MIt ghört vom nahe Beijihuus, 
äs wunderbars Konzärt.
Los zue, u gniess di Melodie, 
||:äs isch sich gwüss dr Wärt.:||

Wie schön ischs we dr Früehlig chunnt,
mit Farbe aller Art.
Schöni Zyt du bisch jetzt da,
mir chöi uf d'Alpe gah.

Monday, March 30, 2015

Sunnestrahle (Hannes Fuhrer)


Feischter wärs uf üser Ärde,
chaut u läär rings uf dr Wält.
Ohni Liecht da gits kes Wärde,
we di liebi Sunne fählt.
Sunnestrahle häll u klar,
Läbesliecht so wunderbar.

Jodel

Früeh im Früehlig alls erwachet,
ab der Wärmi wo du gisch.
Früsches Läbe dir zuelachet,
u si fröjit, dass du da bisch.
Sunnestrahle häll u klar,
Läbesliecht so wunderbar.

Jodel

Summer, Herbscht, di schöni Ziite,
bringsch zum Riife Obscht u Chorn.
Wei mit Danke ja nid gite
für dis Liecht u ds Brot vo morn.
Sunnestrahle häll u klar,
Läbesliecht so wunderbar.

Jodel

Sunday, March 29, 2015

Im Früelig (Ernst Sommer)


Wes föhnet u chutet, dr Schnee vergeijt,
de jutze mir ume vor Fröijd.
Äs grüenet ringsume, dr Früelig wott cho,
los d’Amseli singe ja scho.

Jodel

Isch äntli dr Früelig de z’grächtem da,
de simer im Tal nümme z’ha.
Mir plange nam Hüttli, na Bärge u Weid,
dert heimer de ume viel Fröijd.

Jodel

Am Morge gäb d’Sunne schiint ufem Grat,
isch ds Veh scho verusse parat.
Drum weimer mit Fröijde jetz z’Alpe scho gah,
di schöne Zite si da.

Jodel

Tuesday, January 13, 2015

I der Stilli (Hannes Fuhrer)


Zehntume Rueh u töife Friede,
äs Morgelüftli i de Haar.
O d’Sängerschar no ganz verschwiege
u ds junge Liecht weiss Gott no rar.
Heilig stilli Morgestung,
wärmsch mi Seel u machsch mi gsung.

Jodel

Wi Gluet isch d’Sunne ersch versunke,
u d’Stilli chunnt uf d’Ärde hei.
S’isch grad als hätt si mir no gwunke:
“Chum nume, hie bisch du allei!”
Wi hani doch gnue vom Lärm,
finge i dr Stilli Schärm.

Jodel

Ja i de stille Läbesstunde,
hani mi Wäg u ou mis Ziil
mit diner Liebi wieder gfunge,
bi wäger froh u danke viel.
I dr Stilli, wäg vom Lärm,
bin i halt gar grüsli gärn.
Jodel