Sunday, January 20, 2013

Das isch Musig...yayyyy!

Nach einer längeren (*hüstel*) Pause kommt auch von mir wieder einmal ein Lebenszeichen.

Als Neuerung versuche ich, die Lieder, die ich besitze als Videos auf youtube hochzuladen...mal sehen, wie lange das gut geht (vorsätzlicheunwissenheitschütztvorstrafe...hoff' ich...isch ja gliiiich).

Das erste Lied ist "bsinnsch di no" von Hannes Fuhrer. Die Bilder sind entweder von mir oder von meinem Tumblr, aber um die geht es ja gar nicht. Man findet die jeweiligen Posts auch unter video.

Grüessli

Friday, May 25, 2012

Früehligserwache (Hannes Fuhrer)

Warmi Sunnestrahle wecke di chalti Winterärde uf
 us Schründ u Chräche hudlet ds Wasser u springt dervo dür ds Täli us.
O liebe Früehlig, wi heimer planget uf di schönsti Ziit im Jahr.
No isch si gar mit Wulche ghanget, jetzt isch alles häll u klar.
Da het d'Natur Wunder vollbracht.
Da het d'Natur es Kunstwärk gmacht.

Jodel

Jedes Tierli isch erwachet, wo d'Wintersziit verschlafe het.
U d'Vogelschar i Luft u Böime voll Fröide liedet si um d'Wett.
O liebe Früehlig, mir wei üs fröie, a dir Bluescht- u Bluemepracht.
U lasch 's dr gwüss a nüt la röie, treisch o geng die schönsti Tracht.
Da het d'Natur Wunder vollbracht.
Da het d'Natur es Kunstwärk gmacht.

Jodel

I mim Härz fahts o a blüeje wenn i das Wunderwärk darf gseh.
Cha jedi Sorg u ds Leid vergässe, dr grössti Schmerz tuet halb so weh.
O liebe Früehlig, mir wei dir danke, für die wunderbari Ziit.
Das 's o nach graue, schwäre Tage wieder Bluescht u Sunne git.
Da het d'Natur Wunder vollbracht
Da het d'Natur es Kunstwärk gmacht.

Jodel

Thursday, May 24, 2012

Es winteret (Hannes Fuhrer)

Chalt chutet d'Bise über d'Fälder,
blast ds letschte Loub us Boum u Haag.
Ä längi Nacht mit Frost u Chelti chunt ufe Chutz u düstre Tag(?).
Ä längi Nacht mit Frost u Chelti chunt ufe Chutz u düstre Tag(?).

Jodel

Dr Winter isch jetz Herr u Meister,
chum no äs Gresli finge d'Schaaf.
Still wirds im Fäld und uf Weide, d'Natur rueht us im länge Schlaf.
Still wirds im Fäld und uf Weide, d'Natur rueht us im länge Schlaf.

Jodel

Wie nächti glitzre i de Tanne 
ds häll Liecht vom Mond grad gäg mis Huus.
Äs Chützli dür d'Nacht usrüefe, äs isch uf Fuettersuechi us.
Äs Chützli ghörsch dür d'Nacht usrüefe, äs isch uf Fuettersuechi us.

Jodel

Mit wissem Sand deckt üs dr Himmel
die müedi Ärde liisli zueh.
Wie fiirlich si verschneiti Wälder, bim Gschoue gspürsch ä töifi Rueh.
Wie fiirlich si verschneiti Wälder, bim Gschoue gspürsch ä töifi Rueh.

Jodel

E nöie Tag (Hannes Fuhrer)

Gang doch einisch am ne Morge no gäb d'Sunne häll ufgeit,
use i d'Natur ga wandre, luege wie si ufesteit.
Goldig lüchte de bald Strahle übre Grat i jedes Tal,
grüesse Mönsche, Tier u Pflanze u das nöi mit jedem Mal
Grüesse Mönsche, Tier u Pflanze u das nöi mit jedem Mal.

Jodel

Wi ne fiine Silbermantel glitzret ds Loub im Sunneglanz,
Chelch u Blettli trage Tröpfli ringsum wie ne Perlechranz.
D'Lerche jublet i d'Lüfte, d'Amsel sing es Lied im Boum.
Ds Meisi pfifft, ä Spächt ghörsch rolle, d'Drossle liedet der am Soum.
Ds Meisi pifft, ä Spächt ghörsch rolle, d'Drossle liedet der am Soum.

Jodel

Was isch das doch für nes Wunder, alles läbt, isch voller Saft.
Da chasch luege u chasch stuune wohär chunt äch all di Chraft?
Lueg i Himmel, lueg i ds Wasser, über ds ganze Ärdeland.
Gsesch du ds Wärde u Gedeihe us der grosse Schöpferhand?
Gsesch du ds Wärde u Gedeihe us der grosse Schöpferhand?

Jodel

Abschied (Robert Fellmann)

Im Schärme steit ä Buurebueb, wot us dr Heimat gah.
Lost no uf Müettis guete Rat u luegts so eige a.
U luegts so eige a.
"Läb wohl, läb wohl, mis Müeteli", seit är u drückt ihm d'Hand.
"I dänke immer nur a di im wiite, frömde Land."

Jodel

Är louft dür ds Chilegässli ab, bis vorem letschte Huus.
Dert wartet ihm äs härzigs Chind u bricht i Trändli uus.
U bricht i Trändli uus.
Är leit ihm still u abschiedschwär dr goldig Ring i d'Hand 
u seit: "Läb wohl, i bliib dir tröi im wiite, frömde Land."

Jodel

U ds ussert ufem Hubelwäg steit är no einisch still.
Luegt z'letscht Mal über d'Heimat ii u dänkt: "Wie Gott jetz will.
Wie Gott jetz will.
Läb wohl du Tal, du Alpedorf, du Huus am Bärg u Wand.
O Heimat di vergiss i nie im wiite, frömde Land."

Jodel

Abezyt (Hannes Fuhrer)

Abezyt uf üser Ärde, ds Tagwärch het scho lengste Rueh.
Himmelwiit äs Meer vo Stärne haltet Wach höch ob mir zue.
Haltet Wach höch ob mir zue.

Jodel

Abezyt du bringsch mir Friede nach däm länge, g'hetzte Tag.
Hinge liegt dr Lärm hienide u mis Gmüet erwarme mag.
U mis Gmüet erwarme mag.

Jodel

Schlafeszyt, alls liegt im Tröime. Herrgott, sägne üses Land.
Z'Lüftli treit vo irgendnöime warme Huuch us siner Hand.
Warme Huuch us siner Hand.

Jodel

We d'Schwälbeli i Süde zieh (Adolf Stähli)

We d'Schwälbeli i Süde zieh,
de tüecht es mi halt öppe die:
I möcht o grad zwe Flügel ha u mitne furt a d'Wermi gah.
I möcht o grad zwe Flügel ha u mitne furt a d'Wermi gah.

Jodel

O Schwälbli nimm mi uf di Rügg
u bring mi de im Früehlig zrügg.
Mir finde drum im Läbe nie äs schöners Plätzli als grad hie.
Mir finde drum im Läbe nie äs schöners Plätzli als grad hie.

Jodel

U d'Winterziit wo sträng isch gsi,
die geit zum Glück o  mal verbi.
Jtz bini froh, bin i no da, woni uf Heimatärde stah.
Jtz bini froh, bin i no da, woni uf Heimatärde stah.

Jodel